यंदाचे १९ वे वर्ष

नवी मुंबई :अखिल आगरी कोळी समाज प्रबोधन ट्रस्टची नवीन वर्षाचे आनंददायी स्वागत आगरी कोळी महोत्सवाच्या माध्यमातून करण्याची परंपरा आहे. यंदाचे १९ वे वर्ष या महोत्सवाचे असणार आहे. नेरुळ सेक्टर १२ येथील श्री गणेश रामलीला मैदानावर दिनांक २१जानेवारी रोजी आगरी-कोळी महोत्सवाचा शुभारंभ होणार आहे. तर १फेब्रुवारी रोजी सांगता होणार आहे. या महोत्सवाचे उद्धाटन ठाणे लोकसभा मतदार संघाचे खा. नरेश म्हस्के यांच्याहस्ते होणार आहे.

स्थानिक कलाकारांना आपली कला सादर करण्याची संधी या महोत्सवाच्या माध्यमातून मनात आहे. खवय्यांसाठी अस्सल आगरी कोळी पद्धतीचे खाद्यपदार्थांची मेजवानी,कला रसिकांसाठी दर्जेदार कार्यक्रम, लहानग्यांसाठी खेळणी आणि पाळणे, जादूचे प्रयोग, महिलावर्गासाठी खरेदीचे अनेक स्टॉल उपलब्ध असणार आहेत. त्यासोबत कुठल्याही प्रवेश फी शिवाय विविध स्पर्धा होणार आहेत.

२१ रोजी उद्धाटन होणार आहे. Atf उर्वरित दिनी पारंपरिक नृत्य,हास्य नृत्य जल्लोष, संगीत या ऑर्केस्ट्रा, महाराष्ट्राची लोकधारा, आगरी कोळी सुपरहिट गीते,परंपरा महाराष्ट्राची कला संस्कृतीची, लावणी कार्यक्रम, एनआर भगत ट्रस्ट्रतर्फे ” सण भारतातील” शिक्षण प्रसारक विद्यापाकडून कलाविष्कार, रंग उत्सवाचा सण नात्यांचा, वारसा माझ्या महाराष्ट्राचा असे १२ दिवस १२ कार्यक्रमांची मेजवानी रसिकांना अनुभवता येणार आहे.

यासह आगरी कोळी समाजाच्या संस्कृती व परंपरा दाखवणारे देखावे देखील उभारण्यात येणार आहेत. नवी मुंबई, पनवेलमधील नागरिकांनी या महोत्सवात हजेरी लावावी, कलाकारांनी या महोत्सवात आपली कला सादर करावी असे आवाहन अखिल आगरी कोळी समाज प्रबोधन ट्रस्टचे संस्थापक अध्यक्ष व सिडकोचे माजी संचालक नामदेव भगत यांनी केले आहे.