नवी मुंबई : नेरूळ सेक्टर आठमधील एलआयजी वसाहतीमध्ये अण्णासाहेब पाटील गृहनिर्माण सहकारी संस्थेतील रहिवाशांना महानगर कंपनीची गॅस कनेक्शन उपलब्ध करुन देण्याची लेखी मागणी शिवसेनेचे माजी नगरसेवक रतन मांडवे यांनी महानगर कंपनी व्यवस्थापणाकडे एका निवेदनातून केली आहे.
नवी मुंबईत सर्वत्र महानगर गॅस कंपनीच्या वतीने घरगुती गॅस कनेक्शन देण्यात आलेले आहे. हा गॅस माफक दरात उपलब्ध होत असल्याने महागाईच्या काळात आपणाकडून खऱ्या अर्थांने दिलासा आहे. नेरूळ सेक्टर आठमधील एलआयजीमधील म्हणजेच अण्णासाहेब पाटील गृहनिर्माण सहकारी संस्थेतील रहिवाशांना आज आपल्या महानगर गॅस कनेक्शनची गरज आहे. घरामध्ये रहिवाशांची संख्या पाहता सिलेंडर गॅसची त्यांना सातत्याने गरज भासते व गॅसही ठराविक दिवसानंतर उपलब्ध होतात. त्यामुळे रहिवाशांची गैरसोय होत आहे. आपण इतरांप्रमाणे याही ठिकाणी महानगर गॅसचे घरगुती कनेक्शन उपलब्ध करुन देताना स्थानिकांना दिलासा द्यावा. आपणास स्थानिक रहिवाशांकडून पूर्णपणे सहकार्य उपलब्ध करुन दिले जाईल. लोकांना गरज आहे. त्यांच्या समस्येचे निवारण करण्याची मागणी शिवसेनेचे माजी नगरसेवक रतन मांडवे यांनी महानगर गॅस कंपनीच्या व्यवस्थापणाकडे केली आहे.
महानगर गॅस कंपनीच्या कार्यालयात झोनल ऑफिसर आचार्य यांच्याशी चर्चा करताना रतन मांडवे यांनी रहिवाशांना गॅसची उपलब्धता आवश्यक असल्याचे पटवून दिले. आचार्य यांनी मांडवे यांच्या मागणीला सकारात्मक प्रतिसाद दिला आहे. गुरुवारी सकाळीच महाननगर गॅस कंपनीचे अधिकारी व कर्मचारी नेरूळ सेक्टर आठमधील एलआयजी वसाहतीमधील अण्णासाहेब पाटील गृहनिर्माण सहकारी संस्थेत आले व पाहणी करुन गेले.
