भिवापूर ( निशा जांभुळे ) पत्रकारितेचे जनक बाळशास्त्री जांभेकर यांची जयंती ६ जानेवारीला जागतिक पत्रकार दिन म्हणून साजरी करण्यात येत असते या पत्रकार दिनाचे औचित्य साधून भिवापूर पोलिस स्टेशन येथे आज सकाळी ११ वाजता पत्रकार दिन थाटात साजरा करण्यात आला.
आयोजित कार्यक्रमाला ठाणेदार जयप्रकाश निर्मल, व्हाईस ऑफ मिडीया तालुकाध्यक्ष प्रदीप राऊत, मराठी पत्रकार संघांचे अध्यक्ष शरद मिरे होते.
यावेळी दर्पणकार बाळशास्त्री जांभेकर यांच्या जिवनावर यांनी आपले मनोगत व्यक्त करून ज्येष्ट पत्रकार पंढरी हिवसे, जोग्रेंद सरदारे, शाबीर पटेल, शरद मिरे, प्रदीप राऊत यांनी पत्रकार समाजाचा आरसा असूर चांगल्या गोष्टी समाजापर्यंत पोहचविण्याचे कार्य पत्रकार करीत असल्याचा मनोदय आपल्या भाषणात व्यक्त केला.
यावेळी पत्रकार दिन च्या शुभेच्छा देत पत्रकारांना पुष्पगुच्छ व डायरी भेट वस्तू प्रदान केली. यावेळी पत्रकार अमर मोकाशी, सदाशिव नान्हे, निशा जांभुळे, प्रिती जांभुळकर, राजेश जांभुळे , नरेद्र ढोणे, राजु सागरे उपस्थित होते. कार्यक्रमाचे संचालन पोहवा निलेश खोबागडे यांनी केले. कार्यक्रमाच्या यशस्वीतेकरीता पोलिस अमलंदार मिलींद राठोड, होमगार्ड समादेशक अयुब पठाण यांनी सहकार्य केले.
