चांदूर रेल्वे (अमरावती) -एखाद्या व्यक्तीचा मृत्यू झाला तर त्यांच्या मृत्यूनंतर कुटुंबाकडून दशक्रियाचा कार्यक्रम करण्यात येतो. त्याची शोक संदेशाची पत्रिका छापून ओळखीच्या लोकांना घरोघरी वाटण्यात येते किंवा सोशल मीडियाच्या माध्यमातून पाठविण्यात येते. अशीच शोक संदेशाची एक आगळीवेगळी पत्रिका चांदूर रेल्वे शहरासह तालुक्यात व्हायरल होत आहे. चक्क राज्य व केंद्र सरकारच्या दशक्रिया आंदोलनाची ही शोक संदेश पत्रिका ही जोमात सोशल मीडियावर व्हायरल होत आहे. हुबेहुब शोक संदेशाचे ही पत्रिका छापण्यात आली आहे. सदर दशक्रिया आंदोलन आम आदमी पार्टी व शिवसेना ठाकरे गटाच्या वतीने आज सोमवारी चांदूर रेल्वेच्या उपविभागीय अधिकारी कार्यालयासमोर करण्यात येणार आहे.