मालेगाव येथे एका मतदान केंद्रा जवळील घरात 800 पेक्षा जास्त मतदान कार्ड आढळले आहेत. इतक्या मोठ्या प्रमाणावर मतदान कार्ड आढळल्याने परिसरात खळबळ उडाली आहे.
राज्यातील 29 महानगरपालिकांसाठी 15 जानेवारीला मतदान झाले. निवडणुकीच्या पार्श्वभूमीवर मालेगाव येथे एका ठिकाणी 800 पेक्षा जास्त मतदान कार्ड सापडल्याची घटना घडली आहे. दरम्यान मतदान कार्डवर संशय आल्यावर प्रशासनाकडून कारवाई करण्यात आली आहे.
या बाबत अधिक तपासणी करून पंचनामा करण्यात आला आहे.
याशिवाय मालेगाव पूर्व भागातील बडी हायस्कूल येथे प्रभाग क्रमांक 15 व 17 मध्ये तब्बल 30 ते 40 मतदान केंद्र आहेत. त्यामुळे मतदान केंद्र शोधण्यास मतदारांना अडचण निर्माण होत होती.
यावर तोडगा म्हणून काही तरुण एकत्र आले आणि त्यांनी मतदान केंद्राचा नकाशा तयार केला. प्रत्येक मतदाराला या नकाशाच्या माध्यमातून त्यांनी मदत केली. यावेळी मतदार याद्यांमध्ये असलेल्या घोळामुळे मतदान कमी झाल्याचीही शक्यता वर्तवण्यात आली आहे.
