अकोट तालुका सहकार परिवाराचे प्रमुख मार्गदर्शक, ज्येष्ठ सहकार नेते तसेच काँग्रेस पक्षाचे ज्येष्ठ नेते व महाराष्ट्र काँग्रेस कमिटी चे उपाध्यक्ष स्व. हिदायतजी पटेल यांना आज अकोट येथील झुंनझुनवाला सभागृह येथे सर्वपक्षीय श्रद्धांजली अर्पण करण्यात आली. हा श्रद्धांजली कार्यक्रम अत्यंत भावपूर्ण वातावरणात संपन्न झाला.
या कार्यक्रमाच्या अध्यक्षस्थानी सहकार परिवाराचे अध्यक्ष नानासाहेब हिंगणकर हे होते. कार्यक्रमास प्रमुख उपस्थिती म्हणून माजी आमदार संजय गावंडे, ललितदादा बहाळे, अशोकराव अमानकर, महेश गणगणे, प्रशांत पाचडे, प्रभाकरराव मानकर, शिवाजीराव देशमुख, डॉ. प्रमोद चोरे, दिलीप बोचे, डॉ. विशाल इंगोले, प्रदीप वानखडे, अतुल खोटरे, उमेश पवार, कैलास गोंडचोर, श्रेयश चौधरी, सचिन शिंदे, डॉ. अनिल गणगणे, गोपाल कोल्हे, रामबिलास अग्रवाल, संजय आठवले, पवन शर्मा, अविनाश डिक्कर, रामदास थारकर, दयाराम धुमाळे, शंकरराव लोखंडे, हेमंत देशमुख, बाळासाहेब बोंद्रे, संजय आठवले, प्रभाकर नगराळे, सारंग मालानी, अनोख राहणे, मुकुंद पांडे,आदी सर्वपक्षीय मान्यवरांची समायोजित भाषणे झाली.
सर्व मान्यवरांनी आपल्या समायोजित भाषणांतून स्व. हिदायत पटेल यांच्या सामाजिक, राजकीय व सहकार क्षेत्रातील योगदानावर प्रकाश टाकत त्यांना भावपूर्ण श्रद्धांजली वाहिली. अध्यक्षीय भाषणात नानासाहेब हिंगणकर यांनी स्व. पटेल यांच्या कार्याचा गौरव करत त्यांच्या आठवणींना उजाळा दिला.
यावेळी पटेल परिवारातील त्यांचे मुले, भाऊ प्रामुख्याने उपस्थित होते. कार्यक्रमाचे प्रास्ताविक कपिल ढोके यांनी केले, तर सूत्रसंचालन राजू नागमते यांनी अत्यंत संयत व प्रभावी पद्धतीने पार पाडले.
हा श्रद्धांजली कार्यक्रम सर्व राजकीय पक्ष, हिदायत पटेल मित्र परिवार व अकोट तालुका सहकार परिवाराच्या संयुक्त वतीने आयोजित करण्यात आला होता.
स्व. हिदायत पटेल यांच्यावर प्रेम करणारे तालुक्यातील सर्व सहकारप्रेमी नागरिक, विविध राजकीय पक्षांचे प्रतिनिधी तसेच सर्व समाजातील नागरिक मोठ्या संख्येने उपस्थित राहून त्यांनी प्रतिनिधिक स्वरूपात श्रद्धांजली अर्पण केली.
