बदलापूर, दि.३,प्रतिनिधी:ठाणे शहर पोलीस आयुक्तालय अंतर्गत बदलापूर पूर्व पोलीस स्टेशनतर्फे रेझिंग डे सप्ताहानिमित्त चोरीस, हरवलेले मोबाईल नागरिकांना परत देण्याचा उपक्रम राबविण्यात आला. वर्षभरात चोरीस गेलेले,हरवलेले मोबाईल हस्तगत करून नागरिकांना परत देण्यात आले होते. यावेळी डिसेंबर महिन्यातील उर्वरित मोबाईल नागरिकांना सुपूर्द करण्यात आले.

दि.३ रोजी बदलापूर पूर्व पोलीस स्टेशनतर्फे ‘रेझिंग डे’ सप्ताहाच्या निमित्ताने नागरिकाभिमुख उपक्रम राबविण्यात आला. या उपक्रमाअंतर्गत चोरीस किंवा हरवलेले मोबाईल फोन शोधून ते संबंधित नागरिकांना परत देण्यात आले. तांत्रिक विश्लेषण व सायबर तंत्रज्ञानाच्या सहाय्याने वर्षभरात एकूण १३५ मोबाईल फोन शोधण्यात पोलिसांना यश आले असून ते संबंधित मालकांना परत करण्यात आले होते.त्यापैकी डिसेंबर महिन्यात उर्वरित राहिलेले १९ मोबाईल फोन नागरिकांच्या स्वाधीन करण्यात आले आहे.

दि. ०२ जानेवारी ते ०८ जानेवारी २०२६ दरम्यान साजरा होणाऱ्या रेझिंग डे सप्ताहानिमित्त आयोजित कार्यक्रमात ठाणे शहर पोलीस आयुक्त आशुतोष डुंबरे,अतिरिक्त आयुक्त संजय जाधव, पोलीस उपायुक्त सचिन गोरे,सहाय्यक पोलिस आयुक्त शैलेश काळे यांच्या मार्गदर्शनाखाली बदलापूर पूर्व पोलीस ठाण्याचे वरिष्ठ पोलीस निरीक्षक नितीन पाटील यांनी ते मोबाईल फोन संबंधित नागरिकांकडे सुपूर्द केले.ही कामगिरी पो.हवा. फिरके,पो.अंमल.फसाले मॅडम यांनी यशस्वी केली.
यावेळी उपस्थित नागरिकांनी पोलिसांचे आभार मानले व पोलीस प्रशासनाबाबत विश्वास व्यक्त केला.