कसारा :– शहापुर तालुक्यातील पत्रकार रमेश भेरे आणि रमेश घावट या 2 पत्रकारांनी वनविभाग विहिगाव रेंज च्या कसारा कार्यालया समोरच सोमवार दि 19 जाने पासुन आमरण उपोषणास प्रारंभ केला आहे.
विहिगावस्थित संयुक्त वन व्यवस्थापन समितीने गंभीर स्वरूपाचे आर्थिक गैरव्यवहार केले असल्याचा त्यांनी ठपका ठेवला आहे तसेच या समितीच्या सचिव पदावर कर्तव्य बजावणा-या वनरक्षकानेही अधिकारांचा गैरवापर करुन त्याने समितीच्या शासकीय खात्यातुन व लोक वर्गणीच्या खात्यातून सुद्धा संशयास्पदरित्या रक्कम काढली असल्याचा आरोप करीत त्यांस विना चौकशी वा लेखा परिक्षण न करता क्लीन चिट देणा-या स्थानिक ग्रामपंचायतच्या भूमिके विरोधात देखील दाट संशय व्यक्त केला आहे.
त्या मुळे या संपूर्ण प्रकरणाशी संबंधित वनरक्षक व सचिव यांना तात्काळ निलंबित करण्यात यावे किंवा त्यांची त्वरित बदली करण्यात यावी त्याचप्रमाणे समितीच्या शासकीय व लोकवर्गणी खात्यांचे फॉरेंसिक लेखापरीक्षण करुन वस्तुस्थिती उघड करण्यात यावी आदि मागण्यां साठी रमेश भेरे आणि रमेश घावट हया 2 वृत्तपत्र प्रतिनिधिनी उपोषणाचे हत्यार उपसले आहे; त्यांच्या या उपोषणास तालुक्यातील पत्रकारां प्रमाणेच स्थानीक राजकीय,सामाजिक संघटनांनी देखील जाहिर पाठिंबा दर्शविला आहे.
