भिवापूर ( राजेश जांभुळे )भिवापूर – पासून चार किमी अंतरावर असलेल्या निलजफाटा येथे यादगार स्पेशल कॉफीची टपरी आहे. येथिल कॉफी चांगलीच लोकप्रिय असल्याने येथे दररोज कॉफी पिण्यासाठी चाहत्यांची हमखास गर्दी पहावयास मिळत आहे.

भिवापूर – पवनी या मार्गावर निलज फाटा येथिल ४० वर्षीय सुनिल बबनराव मांढरे याचे आय टी आय तसेच बि. ए. पर्यंत शिक्षण झाले असून त्याने नौकरीकडे न वळता व्यवसायाला प्राधान्य देत कॉफीची दुकान सुरू केली आहे. ज्या ठिकाणी कॉफीची दुकान आहे. त्या ठिकाणी पूर्वी वडीलांची सायकल रिपेरिंगची दुकान होती. २००७ पासून यादगार कॉफी नावाने ही कॉफीची दुकान सुरू आहे.

येथे मिळत असलेल्या कॉफीचा स्वाद चांगलाच लाजवाब असल्याने या कॉफीचे बरेच चाहते झाले आहे. त्यांना दररोज येथिल कॉफी पिल्यशिवाय चैन पडत नाही. आणि काफी प्यायची हुरुप आली की निलजच्या दिशेने त्यांची पाऊले पडतात.भिवापूर व पवनी, भुयार येथून दररोज फक्त कॉफी पिण्यासाठी दुचाकी, चारचाकी वाहनाने ग्राहक येत असतात. तसेच नागपूर – गडचिरोली या मार्गवर नेहमी ये – जा करणारे इथे काफी पिण्यासाठी हमखास थांबा देतात.

दररोज काफी तयार करण्यासाठी ५० लिटर दुध डेअरी मधून घेण्यात येते. ग्राहकाला गरमा गरम १० रुपये मध्ये ब्लु कॉफी काचेच्या ग्लास मध्ये काफी पुरविली जाते. कुणाला कॉफी मध्ये मलाई हवी असल्यास ती पण मिळते. कॉफी पिण्याची वेळ मात्र सायंकाळी ४ ते पहाटेच्या ४ वाजेपर्यतच उपलब्ध असते. त्यामुळे कॉफीचा पिणारा चाहता वर्ग ठरलेला आहे हे विशेष!
कोजागिरीला दुधाचे वाटप

येथे कोजागिरीच्या दिवसी १०० लिटर्स दुध ग्राहकांना दरवर्षी निशुल्क वाटप करून सुनिल मांढरे वितरीत करून सामाजिक भानही जपत असतात.

०प्रतिक्रिया – श्री अमन अरोरा ०

उद्धव बाळासाहेब ठाकरे युवा सेना नागपूर उपजिल्हा प्रमुख यांनी सुनिल भाऊची काफी पिवर दुधाची असते. आठवडयातून चार – पाच वेळा कॉफी प्यायला मित्र मंडळी सोबत येत असल्याचे त्यांनी सांगितले
०प्रतिक्रिया श्री छोटू बाळबुदे ०

राष्ट्रवादी कॉग्रेस नेते (अजित पवार )
भुयार जि.प सर्कल
येथिल कॉफी चव खूपच चांगली असते. आम्ही नेहमी कॉफीचा स्वाद घेत असतो. तसेच ताजा पनीर मिळत असल्याचे सांगून सुनिल मांढरे यांचा स्वभाव लोकांना भावत असल्याचे त्यांनी सांगितले.