३० क्विंटल गोमांस जप्त, ३ गोवंश वाचले, ७ ताब्यात; शहरात संतापाची लाट, प्रशासनावर प्रश्न

अकोला :अकोट शहरात कायद्याला सरळ आव्हान देणारा प्रकार उघड झाला. दि. ११/०२/२०२६ रोजी गुप्त बातमीदाराच्या माहितीवर पोलीस अधिकाऱ्यांच्या मार्गदर्शनाखाली धडक कारवाईत ट्रॅक्टर ट्रॉलीभर गोमांस जप्त करण्यात आले. सदर ठिकाणी अवैध कत्तल व साठवणुकीच्या अड्ड्यावर ३ गोवंशांना वाचवून ७ जणांना ताब्यात घेऊन विविध कलमांखाली गुन्हे दाखल केले.

सदर कारवाईत पोलीस अधीक्षक श्री अर्चित चांडक, अप्पर पोलीस अधिक्षक श्री बी. चंद्रकांत रेड्डी, उपविभागीय पोलीस अधिकारी श्री निखील पाटील यांचे मार्गदर्शन होते. पो.नि. श्री अमोल माळवे, डी.बी. पथक इंचार्ज पोउपनि निलेश बारहाते, पोउपनि शिवणकर, पोहेकॉ गणेश सोळंके, अनिल सिरसाट, नरेंद्र जाधव, सुबोध खंडारे, विपुल सोळंके, विजय तायडे, कपील राठोड, नितेश सोळंके, अश्विन चौव्हाण व आरसीपी पथक यांनी छापे टाकले.

संतापाची लाट उसळली; शहरातील नागरिक आणि गोवंशप्रेमी कठोर, दृश्यमान अंमलबजावणीची मागणी करत आहेत. इतका मोठा साठा किती दिवस नजरेआड राहिला, रॅकेटची मुळे कुठपर्यंत आहेत, कारवाई सातत्याने होणार का आणि पुन्हा असे प्रकार रोखले जातील की नाही, हे प्रश्‍न प्रशासनावर थेट उपस्थित आहेत.

नमुने तपासणीसाठी पाठवण्यात आले असून संबंधितांचा शोध सुरू असून प्रशासनाने आता फक्त कारवाईवरच नव्हे, तर परिणामदर्शक अंमलबजावणीवर लक्ष द्यावे, अशी सर्वसामान्यांची अपेक्षा आहे.

पंचलाईन: एक कारवाई झाली, आरोपी ताब्यात गेले… पण अवैध धंद्यांची सावली कायमची हटली का? आता शब्द नव्हे, तर परिणाम दाखवण्याची वेळ प्रशासनावर आली आहे.