शिमला, दि.२४। वृत्तसंस्था हिमाचल प्रदेशातील कुल्लू जिल्ह्यात गुरुवारी सकाळी ३० सेकंदात सात इमारती कोसळल्या. मात्र, या अपघातात कोणतीही जीवितहानी झाल्याचे वृत्त नाही. प्रशासनाने या इमारती तीन दिवस अगोदरच रिकाम्या केल्या होत्या. जवळपासच्या २-३ इमारतींना अजूनही धोका आहे. येथे लोकांना ये-जा करण्यास बंदी घालण्यात आली आहे. राज्यात गेल्या २४ तासांत पावसाशी संबंधित घटनांमध्ये १२ जणांचा मृत्यू झाला आहे. यापैकी मंडी आणि शिमला येथे भूस्खलनामुळे ७ जणांचा मृत्यू झाला आहे. याशिवाय अनेक घरे उद्ध्वस्त झाली असून ४०० रस्ते अडवण्यात आले आहेत. मुसळधार पावसामुळे कुल्लू-मनाली महामार्गही बंद करण्यात आला आहे. हवामान खात्याने आज उत्तराखंड, उत्तर प्रदेश, बिहार आणि झारखंडसह १५ राज्यांमध्ये अतिवृष्टीचा इशारा दिला आहे. त्याचवेळी दिल्ली, मध्य प्रदेश आणि राजस्थानसह ६ राज्यांमध्ये मध्यम पावसाचा इशारा देण्यात आला आहे. सर्वप्रथम कुल्लूमध्ये एक इमारत कोसळली. काही सेकंदात बाकीच्या इमारतीही कोसळल्या. सर्वप्रथम कुल्लूमध्ये एक इमारत कोसळली. काही सेकंदात बाकीच्या इमारतीही कोसळल्या.